Normal Yani Ke Samanya Bukhar Ya Fever Ki Homeopathic Dawa

Normal yani ke samanya Bukhar ya fever ki homeopathic dawa

Normal yani ke samanya Bukhar ya fever ki homeopathic dawa: Dosto aaj ham baat karney ja rahe hain bukhar ya fever ki homeopathic dawa ke baare main, sabse pehle ham jaan lete hain ki ye bukhar, fever ya jwar hota kya hai? Dosto shareer ka taapmaan(Temperature)  jab samanya se adhik badh jata hai to usko hee bukhar ya fever kaha jata hai. asal main to Bukhar, jwar ya fever koi rog ya beemari nahi hai, shareer main kuchh cheezon ki wajah se shareer ka taapman badh ya ghat jata hai to ye mana jata hai ki kisi rog ne aapke shareer par hamla kar diya hai.

Jab shareer ka taapmaan 97 degree se kam aur 99 degree se adhik hota hai to maana jata hai ke aapke shareer main kisi beemari ne aakraman kiya hai. Thermometer main yadi TEMPERATURE 98.4 degree se adhik hota hai mana jata hai ki aapko bukhar yani ke fever ya jwar hai.

Read This Also: First Aid Haddi Tutney, Nakseer, Moch aur Loo प्राथमिक उपचार

Read This Also: Gurdey me Pathre Kidney stone गुर्दे में पथरी ki Homeopathy Dawa

Read This Also: Sardi aur Zukam ki homeopathic dawa

Dosto generally normal fever ya bukhar mausam main badlaav ki wajah se sardi lagne se, zukam, tez dhoop main ghoomne, khan paan main aniyamitta adhik kaam karne aadi wajha se ho jata hai. Iss prakaar ke fever main yadi kewal garam paani ka sewan kiya jaye to 4-se 5 din main bina koi dawa ke hee aapka bukhar sahi ho jata hai,iske alawa yadi aapko 102 degree se 104 degree tak bukhar ho raha hai to aapko neeche dee ja rahi dawao ka prayag rog ke samasya ke aadhar par chunav karke dene chahiye.




Normal Yani Ke Samanya Bukhar Ya Fever Ki Homeopathic Dawa

1- Homeopathic Dawa (Medicine) ka naam – Aconite 30X, ya Aconite 200X.

Jab aapko adhik pyaas lag rahi ho chhatpatahat ho, poore shreer main jalan see ho rahi hai, aapko baar baar karwat badlni pad rahi ho aur aapko bukhar ya fever thand lag kar aaya ho aur aapko fever raat 12 baje se pehle start hua ho aapki naak se lagataar pani gir raha ho aur aaapko mann main aisa lag rah ho ke aap zinda nahi bachenge. Ismain generally Pasina yani ke sweat nahi aata hai aur yadi aapko pasina aa raha hai to aapko ye dawa ko band kar dena chahiye.

2- Homeopathic Dawa (Medicine) ka naam – Bryonia 30X, ya Bryonia 200X.

jab aapko chatpatahat mesoos nahi ho rahi ho, aap shant ho, aapke shareer main dard ho, aankho ke delo main dard ho, kanpatti aur sir main dard ho mooh ka swad teekha ho, jeebh yani ke tongue par parat jam gayi ho, aur paani peetey hee ulti aati hokhaansi ssokhi aa rahi ho aur aapko saans lene main takleef ho rahi ho to aapke liye ye dawa bahut kaam kar sakti hai.

3- Homeopathic Dawa (Medicine) ka naam – Pulsatilla 30X, ya Pulsatilla 200X.

Jab bukhar aane ka samay shaam ko 4- se 5 baje ke beech ka ho, aapko khuli hawa main rehna accha lagta ho, raat bhar fever rehta ho aur subah hote hee utar jata ho, jab aapko bukhar rehta ho tab aapke hath pair main dard aur ankho main jalan ho, paani ki pyaas bilkul nahi lagti ho aur agar aapko ye bhukhar ghee aur tel se bani huyi cheezon ki wajah se aaya hai to ye dawa aapke liye bahut hitkaari ho sakti hai.

4- Homeopathic Dawa (Medicine) ka naam – Rhus Tox 30X, ya Rhus Tox 6X.




Jab aapko paani main bheegne ke wajah se bukhar aaya ho ya thandi barsaati hawa lagne se apko fever aaya ho, aapko chhatpataht see ho rahi ho shareer main dard ho, aur jeebh yani ke tongue ki aagey ki nok par mel (gandagi) ka ek tikona nishaan iski ek pramukh nishani hai aur iss tarah ke lakshan main ye dawa laabhkari hai.

5- Homeopathic Dawa (Medicine) ka naam – Ipecac 30X, ya Ipecac 3X.

Jab aapko fever ke sath ulti aa rahi ho aapka jee ghabra raha ho, aapke mooh se badboo aa rahi hobody main kap kapi see ho rahi ho aur khansi bhee ho to ye dawa aapke liye faydemand ho sakti hai. Jab Kunain yani ke Cinchona kam na kare to ye dawa di jati hai aur ye dawa uss stithi main bhi dee jati hai jab aap sahi dawa ka chayan nahi kar pa rahe ho to aap is dawa ko ek baar dekar try kar saktey hain.

6- Homeopathic Dawa (Medicine) ka naam – Nux Vomica 30X, ya Nux Vomica 6X.

Jab aapko fever sardi ke kaaran aaya ho aur aapki naak band ho gayi ho ye maleria, pleeha, aur kidney ki wajah se agar aapko bukhar aaya ho to iss main faydemand hai. Ismain aapko apne shareer ko dhak kar rakhna achha lagta hai ya iske ulat thand lagney par bhi kapde odhna pasand hota hai aur aapke haath ki ungliyon ke nakhoon peele pad jatey hain tab ye dawa faydemand hai.

7- Homeopathic Dawa (Medicine) ka naam – Belladonna 30X, ya Belladonna 6X.

Jab aapko thand lagne se fever aaya ho aapke honthh aur mooh sookh gaye ho aapki ankhain(eyes) laal ho, apki nasain (veins) fadak rahi ho, aapko bahut pyaas lag rahi ho aur poore shareer main dard ho raha ho tab ye dawa bahut adhik laabhkaari hai, aur yadi aap mote hain to aapke liye ye dawa bahut kaaam ki hai.

8- Homeopathic Dawa (Medicine) ka naam – Arsenic 6X.




Jab aapko pyaas bahut jaldi jaldi lage aur jab aap paani peeye to paani bahut kam piya jaye, aapko ghabrahat ho, baichaini ho, aapko loose motion yani ke dast ho, bahut adhik kamzori ho, Aadhi raat ke baad aapke rog ke lakshano main badhotri ho tab ye dawa aapke kaam aa sakti hai generally iss beemari ke starting main iss dawa ko nahi liya jata hai.

Dosto yahan main iss baat ko clear kar dena chahta hu ke kisi bhi dawa ka prayog karne se pehle aap kisi doctor ka paramarsh aroor lain.

Read This Also: Jaadu Ki Goliyan जादू की गोलियां Homeopathy ki dawa

Read This Also: Motapa ya Fat ko kaise ghataye ya kam karain in hindi

Read This Also: Ganjepan ya Hair loss ko kaise theek karain hindi main janey

Read This Also: Face ki dry skin yani ke sookhi twacha ko kaise thheek krain in hindi

Dosto main ummeed karta hu ke aapko hamara ye post Normal Yani Ke Samanya Bukhar Ya Fever Ki Homeopathic Dawa pasand aaya hoga aur aap ooper di huyi homeopathic dawao ka use karke apne bukhaar ko theek kar payenge.

Dosto agar app kuchh poochna chahtey hain to hame comment box main likh saktey hain ya aapke koi sujhav hain to bhi aap hame comment box main likh saktey hain.

Aap hame subscribe bhi kar saktey hain.

Dhanyavaad………. aapka din shubh ho.

2 thoughts on “Normal Yani Ke Samanya Bukhar Ya Fever Ki Homeopathic Dawa

  • 21/06/2016 at 4:17 PM
    Permalink

    sir mujhe halka bhukhar 97se upar aur 99se kam raha taha hai thand nahi lag raha hai fawa khane ke bad bhi nahi thik nahj ho raha hai doctor se bhi dikhaya per thik nahi ho rha raha hai please help me

    Reply
    • 21/06/2016 at 11:17 PM
      Permalink

      Satyanand g. aap kisi acche homeopathic doctor ke paas jaye aur unhe vistaar se apni beemari ke baare main bataye aur uske saath saath unhe ye bhi bataye ki aapko khane main kya accha lagta hai, aapka vyavhaar kaisa hai jiase ki aap ko chid chida pan to nahi rehta hai, aapko jab bukhar aat a hai to aapko akele rehna pasand hai? ya aapko logo se baat karna pasand hai, ya aapko khulee jagah par accha lagta hai aadi aur doctor sahab se kahe ki doctor sahab mujhe thoda sa extra time de aur meri samasya ko sunkar mujhe badhiya see dawa de, kyuke homeopathy ka mool mantra ye hee hai ke mareez apni problem ko doctor se vistaar poorvak share kare aur aur doctor un sabhi sthithiyon ka sahi aaklan karke sahi dawa de kyuke homeopathy ki sahi matra ki dawa aur uski sahi shakti ke saath agar di jaye to aap bahut hee jald swasth ho jatey hain bas shart yahi hai ki doctor aapke rog kee sahi pehchaan karke sahi shakti (potency) ki dawa aapko de.

      ummeed karta hu ki is answer se aapko kuchh help milegi aur aap jald hee swasth ho jayenge.

      Dhanyawaad….. Get Well Soon……

      Reply

Leave a Reply

Your email address will not be published. Required fields are marked *